تشكيل ‏الاهلي ‏في ‏مباره ‏القمه ‏120

قرر فايلر المدير الفني لنادي الاهلي البدء بتشكيل مكون من

محمد الشناوي ومحمد هاني ياسر ابراهيم ايمن اشرف علي معلول

وثلاثي في خط الوسط حمدي فتحي والسوليه وديانج

والخط الامامي افشه واجايي

وراي الحريه بادجي

ليكون هناك تغيير في طريقه اللعب ليفاجيء فريق الزمالك وارباكه خصوصا في بدايه المباره

حسام عاشور ارحل غير مأسوف عليك

تخيل تبقي كابتن تاريخي للنادي الاهلي وتشيل شاره القياده ودي فرصه مجتش لنجوم كتير وتحقق بطولات كتيره جدا محققهاش حد غيرك بسبب ان الظروف ساعدتك انك تكون موجود وسط جيل تاريخي مش هيتكرر للنادي الاهلي رغم امكانياتك اللي مش كبيره قوي يعني وتفضل سنين كتيره وفي الاخر خالص تضيع كل ده بموقف اهبل ملوش اي لازمه وكل ده عشان ايه عشان شويه فلوس وبس مع انك مش محتاج ماهو انت مكنتش بتقبض قليل طول السنين اللي فاتت وتضيع كل تاريخك ده ومعاه تضيع كرامتك وصورتك قدام اهل بيتك قبل مايبقي قدام الجماهير.

انت لو حد تاني في نفس تاريخك ده كان هيتعمله تمثال قدام النادي ياخساره بجد عليك 

احنا زعلانين عليك قبل مانبقي زعلانين منك صعبت علينا فعلا وانت بتتكلم في التليفون وبتعتذر لتركي طال عمره وبتضيع اللي باقي من كرامتك عشان يرضى عليك ويديلك اللي وعدك بيه.

خساره الحب اللي كنا بنحبهولك اللي ميتقدرش بكنوز الدنيا 

والي مزبله التاريخ ارحل غير مأسوف عليك.

شريف ‏اكرامي ‏بره ‏الاهلي

قرر النادي الاهلي توجيه الشكر لشريف اكرامي بعد خروجه ببيان صادم للجماهير والاداره في سابقه جديده من نوعها في تاريخ النادي ان لاعب يخرج يعلق علي حدث جوه الفريق.

اللي بيحصل الفتره دي زي مايكون عمليه فلتره للتخلص من كل واحد بيدعي الانتماء الكيان وهو انتماؤه الوحيد للمال.

شريف اكرامي اللي كل الناس كانت بتقول انه هيبقي كادر مهم للنادي انتهت علاقته نهائيا بالنادي دلوقتي او لاخر العمر وانضم لقايمه طويله من لاعبين استحاله يدخلوا النادي مره تانيه.

الواحد مبسوط بكل الأحداث دي عشان افرزت وبينت مين مع مين ومين يستحق إرتداء التيشيرت وهذا لو تعلمون عظيم الحمدلله تخلصنا من كل مدعي الانتماء علشان تبدأ مرحله جديده علي نضافه ونبدأ كتابه تاريخ جديد.

شريف ‏اكرامي ‏وجايزه ‏احسن ‏ممثل ‏في ‏الكوره ‏المصريه

خرج علينا شريف اكرامي بكلام شكله جميل وموزون فاكر ان الجمهور هيسقف ويقوله قول يا سيدي كمان وسمعنا 

لكن جمهور الاهلي اثبت انه جمهور واعي وفاهم لكل حاجه بتحصل حواليه .

فشل المتحدث اللبق وخانته تعبيراته وبدل مايبرء نفسه أثبت إدانته بايديه لما اعترف انه في كذا موقف كان بينصح جوز اخته نصيحه ضد النادي اللي بيقول انه ابنه وان لحم كتافه من خيره 

انت قلت بنفسك انك كنت بتشجعه علي الاحتراف ايام محمود طاهر يعني كده انك كنت موافق لما كان بيتمارض وميلبعش مع الفريق طب اذاي وانت كنت كابتن من كباتن الفرقه وابن النادي كمان 

تحب نقول للجمهور انك كنت بتحرض اللعيبه عشان متتنازلش عن جزء من مستحقاتها لما الاداره طلبت منهم كده عشان ازمه الكرونا

تحب نقول للجمهور انك كنت عارف ان احمد فتحي ماضي لبراميدز ومقلتش يا كابتن الفريق

جاي دلوقتي وبتقولنا الكيان وحب الكيان

انتوا عيله نسيت النادي ده عمل معاكم ايه من اول الوالد لحد الطفل المعجزه جوز اختك

والكابتن اكرامي الكبير اللي طالع في برنامج عشان يقول معرفش ومعنديش فكره اومال طالع ليه وبعدين الكلام ده تقوله لاطفال ممكن تصدقك

لكن كلامك غير منطقي ومحدش يقدر يصدقه مش معقول انت عايش معاهم في نفس البيت ومتعرفش ايه اللي بيدور فيه 

ايه مبتشوفهمش صدفه معديين قدامك تقولهم قولولي

ايه الموضوع مثلا يعني

ايه الكلام اللي مش راكب على بعضه ده

بس احنا كجمهور لازم نشكر الظروف اللي بينت كل واحد علي حقيقته في الوقت المناسب.

احتياجات ‏الاهلي ‏لبطوله ‏افريقيا

ماتش انبي وبعديه ماتش الانتاج الحربي أثبت اللي كان معظم جمهور الاهلي بيقولوه وهو اننا محتاجين باك يمين باسرع وقت وان ده اكتر مركز محتاجينه لان محمد هاني اللي عنده 25 سنه لسه لحد اللحظه دي فاكر نفسه ناشيء.

احنا لو خرجنا من بطوله افريقيا هيبقي بسبب محمد هاني 

لابد من التفكير في البديل المتاح حتي لو نلعب باحمد فتحي الماتشين دول

ولازم نجهز كهربا اللي ممكن يخلص الماتش بلعبه واحده 

انا شايف ان الاعتماد على جيرالدو كأساسي ده هيبقي غير مفيد اطلاقا لكن ممكن يدخل في جزء من المباراه نستفيد من سرعته في اخر الماتش مثلا.

وايه المشكله لما ندي صالح جمعه جزء من ماتش اسوان اللي جاي خلينا نشوفه ونحكم عليه

افشه محتاج حد ينافسه علشان يحس بالخطر ويفوق شويه

محتاجين شغل اكتر من فايلر لاستغلال الكور الثابته عايزين جمل تتعمل مش مجرد واحد بيشوط الكوره وخلاص

اتمني الماتشين اللي جايين في الدوري يكون المستوي اختلف وحصل تطور للعيبه ورجعتلهم ذاكره الاداء الجيد اللي كان موجود قبل الكرونا

  مبقاش الانتماء موجود ومبقتش كلمه ابن النادي كلمه يحب الجمهور انه يسمعها 

رمضان لاعب اداره الاهلي اللي عملت كل حاجه علشان يفضل موجود ودخلت في حرب مفاوضات مع هدريسفلد وقدرت تنجح في الحرب دي وده طبعا بعد ما كانت اخدت موافقه اللاعب علي كل تفاصيل عقده بمبلغ مكنش يحلم بيه اي لاعب في سنه

ولكن الظاهر ان رمضان مكنش متوقع ان الاهلي هيقدر يوصل لاتفاق مع النادي الانجليزي ودي حاجه عملت صدمه ليه 

علشان كل اللي كان بيخطط ليه كده مبقاش ينفع

لانه هو كان جاهز بفيلم وعامل سيناريو ممتاز عشان لما

يطلع للجمهور ويقول انا مش بإيدي ده النادي الاهلي هو اللي متفقش مع هدريسفيلد

وانا كنت عايز اكمل والنادي بيتي وكلام من اللي بيدغدغ المشاعر ده لكن السيناريو مبقاش نافع

وبقي رمضان في خانه اليك

وهنا ظهرت الحقيقه وانه اصلا كان ماضي مع بيراميدز

عشان تسقط الاقنعه ويذهب بلا رجعه للابد

والحقيقة لو كنا عايزين نفرح كجمهور للاهلي فهو ده وقت الفرحه عافرين ليه؟

لان من وقت ظهور تركي آل الشيخ في الصوره اتكشفت حقايق ناس كتير قدامنا ولو مكنش ظهر كنا هنفضل مخدوعين فيهم للابد وكنا لسه هنقول 

دول ولاد النادي